လူ့ လောကထဲတွင် မည်သူမဆို မိတ်ဆွေများ ရှိကြပေသည်။ မိတ်ဆွေအပေါင်းအသင်းမရှိသောလူ ဟူ၍ ရှားပါးလောက်ပေသည်။ အနည်းဆုံးမိတ်ဆွေစစ် မရှိလျှင် မိတ်ဆွေတုတော့ ရှိကြပေလိမ့်မည်။ သေရည်ဆိုင်၌သာ အဖော်ဖြစ်သောသူသည် သောက်ဖော်သောက်ဖက် မိတ်ဆွေမည်၏။ မိတ်ဆွေမိတ်ဆွေဟု ခေါ်၍ မျက်မှောက်၌သာ အဖော်သဟဲဖြစ်လျက် မျက်ကွယ်၌ ရန်သူသဖွယ်ဖြစ်သောသူသည် ဟန်ဆောင်မိတ်ဆွေ မည်၏။ အကြင်သူသည် အကြောင်းကိစ္စ ဖြစ်ပေါ်လတ်သော် အဖော်သဟဲ ဖြစ်၏။ ထိုသူသည် မိတ်ဆွေစစ် မည်၏။
မိတ်ဆွေတု
*ယူသာ ယူတတ်သော မိတ်ဆွေစစ်မဟုတ်သည့် မိတ်ဆွေတု။(အညဓတ္ထုဟရ မိတ်ဆွေတု)
*နှုတ်မျှဖြင့်သာလျှင် (လောကွတ်) ပေးတတ်သော မိတ်ဆွေစစ် မဟုတ်သည့် မိတ်ဆွေတု။(၀စီပရမ မိတ်ဆွေတု)
*အကြိုက်ကိုလို၍ ပြောဆိုတတ်သော မိတ်ဆွေတု။(အနုပ္ပိယဘာဏီ မိဆွေတု)
*ပျက်စီးကြောင်း၌ အပေါင်းအဖော်ဖြစ်သော မိတ်ဆွေတု။(အပါယသဟာယ မိတ်ဆွေတု)
မိတ်ဆွေစစ်
*ကျေးဇူးပြုတတ်သော ကောင်းသော စိတ်နှလုံးရှိသည့် မိတ်ဆွေစစ်။(ဥပကာရ မိတ်ဆွေ)
*ချမ်းသာအတူ ဆင်းရဲလည်းအတူဖြစ်သော ကောင်းသောစိတ်နှလုံးရှိသည့် မိတ်ဆွေစစ်။(သမာနသုခဒုက္ခ မိတ်ဆွေ)
*အကျိုးစီးပွားကို ပြောကြားတတ်သော ကောင်းသောစိတ်နှလုံးရှိသည့် မိတ်ဆွေစစ်။(အတ္ထက္ခာယီ မိတ်ဆွေ)
*အစဉ်သနားတတ်သော ကောင်းသောစိတ်နှလုံးရှိသည့် မိတ်ဆွေစစ်။(အနုကမ္ပက မိတ်ဆွေ)
မိတ်ဆွေတုကို ရှောင်
ထိုမိတ်ဆွေမျိုးသည် စင်စစ်ယူသာယူတတ်၏။ ထိုမိတ်ဆွေသည် နှုတ်ဖြင့်သာ ပေးတတ်၏။ ထိုမိတ်ဆွေသည် အကြိုက်ကိုသာ လိုက်၍ ပြောဆိုတတ်၏။ ထိုမိတ်ဆွေသည် ပျက်စီးကြောင်း၌ အပေါင်းအဖော် ဖြစ်၏။ မိတ်ဆွေစစ် မဟုတ်သော ဤလေးယောက်တို့ ကို ပညာရှိသည် ဘေးရန်ရှိသောခရီးကို ဝေးစွာ ရှောင်းကြဉ်သကဲ့သို့  ဝေးစွာ ရှောင်ကြဉ်ရမည်။
မိတ်ဆွေစစ်ကို ချဉ်းကပ်
ထိုမိတ်ဆွေမျိုးသည် ကျေးဇူးပြုတတ်၏။ ထိုမိတ်ဆွေသည် ချမ်းသာအတူ ဆင်းရဲအတူ ဖြစ်၏။ ထိုမိတ်ဆွေသည် အကျိုးစီးပွားကို ပြောကြားတတ်၏။ ထိုမိတ်ဆွေသည် အစဉ်သနားတတ်၏။ ပညာရှိတို့ သည် ဤမိတ်ဆွေလေးယောက်တို့ ကို အမိသည် ရင်၌ ဖြစ်သောသားသို့  ချဉ်းကပ်သကဲ့ သို့  ရိုသေစွာ ချဉ်းကပ်ရမည်။ သီလနှင့် ပြည့်စုံသော ပညာရှိမိတ်ဆွေသည် တောင်ထိပ်၌ တောက်လောင်သော မီးကဲ့ သို့  ထွန်းလင်းတင့်တယ်ပါသည်။
Subscribe to:
Post Comments (Atom)
'ဆုတောင်း'
'နားဆင်ဖို့ '
'စကားလက်ဆောင်'
0 comments:
Post a Comment